წინა შაბათს, ძალიან საინტერესო ორი საათი გავატარე. საბავშვო ოთახში სტუმრად მოსული ბავშვების ოჯახების შესახებ გავიგე ბევრი რამ და მათ გავაცანი ერთი ძალიან საინტერესო ნორვეგიული ოჯახი.
"იყო და არა იყო რა, ერთი დიდი, ძალიან დიდი ოჯახი: დედა, მამა და მათი რვა შვილი. ბავშვებს ერქვათ: მარენი, მარტინი, მარტა, მადსი, მონა, მილი, მინა და წრიპა მორტენი.." – ასე იწყება ამბავი ერთი მხიარული ოჯახისა, რომელიც ნორვეგიის ერთი უშველებელი ქალაქის ცენტრში, ქვითკირის მაღალი სახლის ერთ ციცქნა ბინაში ცხოვრობს.
ნორვეგიელმა საბავშვო მწერალმა ქალმა, ანე–კატარინე ვესტლიმ, რომელსაც თანამემამულეები "მთელი ნორვეგიის ბებიას" უწოდებენ, წიგნების მთელი სერია შექმნა ღარიბ, მაგრამ ძალიან კეთილსა და ხალისიან ოჯახზე.
წიგნის წაკითხვის შემდეგ, ბავშვებმა დახატეს თავიანთი ოჯახები. რამდენიმე მათგანი:
ამის შემდეგ გავაკარით კედელზე დიდი სახლი. ეს სახლი თავიდან ცარიელი იყო. ბავშვებმა ფურცლებზე დახატეს თავიანთი ოცნების ოთახი და ამ სახლში ჩააკრეს, ასე ავაშენეთ "ლიგამუსის ოცნების სახლი".
რა საყვარელი ნამუშევრებია : ))
ReplyDeleteდიდი მადლობა :)
ReplyDelete