30 September 2010

სიზმარა – ძველი ზღაპრის დღის მიმოხილვა


ქართული ზღაპარი "სიზმარა"  ჩემი ერთერთი უსაყვერლესი ზღაპარი იყო ბავშობაში, ბიძაჩემი მიყვებოდა ხოლმე. ახლა წიგნიც გამოვიდა, რომელსაც სიზმარა ჰქვია და მასში სრულად არის მოყოლილი მისი თავგადასავალი. 

ამ წიგნის წაკითხვის შემდეგ გავაკეთეთ კოლაჟი სახელად "ჩემი სიზმრები".

კოლაჟი არის (ფრანგ. coller - შეწებება) -- განსხვავებული ფორმების ნაწილებისგან ახალი მთლიანის შექმნა-შეკოწიწება. მაგ. კოლაჟი ხელოვნებაში შეიძლება შეიცავდეს ერთ მთლიან თაბახზე ან ტილოზე დაწებებულ საგაზეთო ამონაჭრებს, ბაფთებს, ზონრებს, ხელთნაკეთი ფერადი ქაღალდების ნაჭრებს, ფოტოებსა და სხვ.

ჯერ დავხატეთ ჩვენ ჩვენი სიზმარი, რომელიც ბოლოს ვნახეთ ან ყველაზე მეტად დაგვამახსოვრდა, და შემდეგ ეს ნახატები და ჟურნალებიდან ამოჭრილი სურათები გამოვიყენეთ იმისთვის, რომ საბოლოოდ შეგვექმნა საერთო ნამუშევარი. როგორი გამოგვივიდა თქვენ შეაფასეთ.


29 September 2010

შაბათის ზღაპრის დღეები გრძელდება – პირველი დღის მიმოხილვა

ამ შაბათს, დილით რვა საათზე გავიღვიძე. წვიმდა – ვიფიქრე თუ მალე არ გადაიღებს მარტო მომიწევს ბავშვების ოთახში ზღაპრების კითხვათქო. მალე გადაიღო წვიმამ, მაგრამ ცა მაინც მოღუშული ჩანდა. მარტოობის შიშით, ჩემს უმცროს ძმას (11 წლის) ვთხოვე წამომყოლოდა.
ესეთი უიმედო მივედი ლიგამუსში და სულ იმაზე ვფიქრობდი, არავინ რომ არ მოვიდეს, რა დავწერო ბლოგზეთქო, სიმართლე? რა სირცხვილია პირველივე დღე, რომ ჩაგივარდება!
ამ ფიქრებში აბნეული ვიყავი, როცა დამიძახეს:
"– მაღაზიაში ორი ბავშვია, მშობელთან ერთად და მეზღაპრეს ანუ შენ გკითხულობენო"
სანამ ახალ სტუმრებს ბავშვთა ოთახისკენ ვუძღვებოდი, სხვებიც მოვიდნენ. საბოლოოდ შვიდი ბავშვი შეგროვდა და უკვე ვიცოდი, რომ ამ პოსტის დაწერის დროს პრობლემა აღარ მექნებოდა.
ამ შვიდ ბავშვს შორის, ივაც იყო. ივა ჩემი მუდმივი სტუმარია, მის ნაირი ერთგული და მონდომებული ჯერ არავინ შემხვედრია. ამიტომაც მისი დანახვა ძალიან გამიხარდა.
როგორც ანონსში გითხარი, ქართული ზღაპარი წავიკითხე სახელად "ირმისა". ეს ზღაპარი არავინ იქ მყოფმა არ იცოდა და ყველა მონდომებით უსმენდა ირმისას თავგადასავლებს. ქართული ზღაპრები ყველამ კარგად არ იცის, მეც კი არ ვიცი ზოგიერთი, მაგრამ ძალიან ბევრი ზღაპარი გვაქვს, მაგალითად კომბლე, ნახევარქათამა, წიქარა, ასფურცელა და სხვა. მაგრამ იცოდე ყველა ზღაპარი რაც იცი ქართული არ არის, მაგალითად წითელქუდა ფრანდი მწერლის შარლ პეროს დაწერილია.
ზღაპრის შემდეგ, მწვანე ხალიჩიდან გადავინაცვლეთ მაგიდებისკენ. შევქმენით ორი პლაკატი, რომლის მიზანიც არის ინფორმაციის გავრცელება ზღაპრის დღის შესახებ.
ამ პლაკატების შესაქმნელად გამოვიყენეთ ვაშლის და კარტოფილის ანაბეჭდები, ჟურნალებიდან ამოჭრილი ქათალდები, ფლომასტერები და ფანქტები.



ეს პლაკატები შეგიძლია წიგნის მაღაზიაში ნახო, ერთი საბავშო წიგნების თაროებთან კიდია, მეორე კი ბავშვთა ოთახის კარზე.

23 September 2010

შაბათის ზღაპრის დღეები გრძელდება – ანონსი



"25 სექტემბერიდან "ლიგამუსში" გაგრძელდება შაბათის ზღაპრის დღეები. ყოველ შაბათს, 11–დან 13 საათამდე ბავშვებს უამრავი საინტერესო წიგნი, თავგადასავალი და აქტივობა ელოდებათ!!!"
დღეს ეს ტექსტი გამოჩნდა ლიგამუსის "ფეისბუქის" კედელზე. 20 ადამიანმა "დაალაიქა", ანუ დააჭირა ღილაკ "მომწონსს" და კიდევ რამდენიმემ დატოვა კომენტარი.
იმედი მაქვს, რომ რეალურ სამყაროში არა ნაკლები ბავშვი გამოხატავს სურვილს მოვიდეს შაბათს ლიგამუსში. მე პირადად მოუთმენლად ველოდები ამ დღეს... მომენატრა მეზღაპრეობა!
მომენატრა ბავშვები, მათი დაინტერესებული, განცვიფრებული და მხიარული სახეები.
ამ შაბათს და კიდევ მომდევნო რამდენიმე შაბათს ქართულ ზღაპრებს გავეცნობით. ზღაპრების შემდეგ კი ხელებს ფლომასტერებით, საღებავებით და წებოთიც დავისვრით, იმის გასაგებად, თუ რის გასაკეთებლად, მოსვლა მოგიწევს ლიგამუსში შაბათს 11 საათზე. მეტს არ გეტყვი.
დასვრის ნუ შეგეშინდება ჩემს კარადაში ბევრი წინსაფარი მაქვს.
გელოდებით...