Tex Avery მულტფილმების შემქმნელი

მულტფილმს, რომ უყურებ და კარგად იცინი, გიფიქრია ვინ მოიგონა ეს სასაცილო მომენტები, ვინ შექმნა ეს დიდ ცხვირიანი პერსონაჟი, ვინ დახატა, ვინ აქცია უმოძრაო ნახატები მოძრავ ფიგურებად, რომლებიც ხან მღერიან და ხანაც რაღაც სასაცილო რამეებს აკეთებენ.  

ყველა მულტფილმს თავისი შემქმნელი ყავს. ადამიანი რომელიც იგონებს როგორი უნდა იყოს პერსონაჟი და რა უნდა მოხდეს მულტფილმში. შემდეგ თავის ფიქრებს ხატავს და ჩვენ მის წარმოსახვიდან დაბადებულ მულტფილმს ვუყურებთ.  

ამ პოსტში ერთ ესეთ ადამიანს გაგაცნობთ:


ტექს ავერი (1908-1980) იყო ამერიკელი ანიმატორი, კარიკატურისტი, მულტფილმების დირექტორობისა და პროდიუსერობისთვის სახელგანთქმული. ის მოღვაწეობდა ეგრედ წოდებულ Golden Age of Hollywood*-ის დროს.

ყველაზე მნიშვნელოვანი სამუშაო შეასრულა Warner Bros და Metro-Goldwyn-Mayer-სთან თანამშრომლობისას. მან შექმნა დღესაც ცნობილი პერსონაჟები: Looney Tunes-ის ვარსკვნავები Daffy Duck და Bugs Bunny, MGM-ისთვის კი Droopy, Screwball Squirrel, Porky Pig და Chilly Willy.

მან დიდი გავლენა იქონია 40-50-იანი წლების მულტიპლიკაციურ ფილმებზე.

ავერის სტილმა დაანგრია უალტ დისნეის დამყარებული მკაცრად რეალისტური ყალიბი და წაახალისა ანიმატორები, რომ გაეკეთებინათ მულტფილმებში ისეთი რაღაცეები რასაც ფილმებში ვერ გადაიღებდნენ. ამ პერიოდში კინო ინდუსტრია მხოლოდ იწყებდა განვითარებას, ამიტომ ფილმებში ჯერ არ შეეძლოთ ისეთი სპეც ეფექტების გაკეთება, როგორიცაა პერსონაჟის ნაწილებად დაშლა ან გაბრტყელება და სხვა.

"მულტფილმში ყველაფრის გაკეთე შეგიძლია" ეს არის ფრაზა, რომელსაც ხშირად ავერის მულტფილმებთან ციტირებენ. მის მულტფილმებში მართლაც შეიძლება ყველაფერი მოხდეს!

ამ პოსტისთვის ჩემი უსაყვარლესი ორი მულტფილმი ავარჩიე, თუმცა ტექს ავერის ბევრად მეტი აქვს შექმნილი. თუ დაგაინტერესებთ შეგიძლიათ YouTube-ზე ნახოთ მისი სხვა ნამუშევრები; საძიებო გრაფაში ჩაწერეთ Tex Avery.

*ჰოლივუდის ოქროს ხანა

ავტორის მიერ წაკითხული წიგნები - მიმოხილვა

დილით რომ ვიღვიძებ, ასეთი უცნაური ჩვევა მაქვს: საათის მაგივრად ფანჯარაში ვიხედები, რომ გავიგო ადგომის დროა თუ არა. ამ შაბათს, რომ გავიღვიძე ისევ ფანჯარაში გავიხედე და თვალები დიდად ღია დამრჩა. თოვლს სრულად დაეფარა პეიზაჟი. 

                                                                           

რა ლამაზია! ალბათ დღეს ბევრი ბავშვი არ მოვა. ეს ორი რამ გავიფიქრე და გულდაწყვეტილი ავდექი და წავედი ლიგამუსში.

შევცდი, ბავშვები მოვიდნენ და ორი საათის შემდეგ ძალიან კმაყოფილები წავიდნენ. მეც კმაყოფილი წამოვედი. ვთვლი, რომ ძალიან საინტერესო იყო.

სტუმრად სანდრო ასათიანი გვეწვია თამარა კალხიტაშვილთან ერთად, როგორც წინა პოსტში გითხარით. სანდრო ბავშვებისთვის წიგნების წერის გარდა ილუსტრაციებსაც ქმნის, ამიტომ თავისივე წიგნები წაგვიკითხა და ფონად ილუსტრაციები დაგვათვალიერებინა. მისი წიგნები მოკლე და ადვილი წასაკითხია. გასაოცარი და ოცნებით აღსავსე ისტორიები უცნაურად და სახალისოდ ილუსტრირებულია.

სანდრომ ასევე გვანახა თავისი საიტი, რომლიდანაც შეგიძლიათ შეხვიდეთ ვირტუალურ გამომცემლობაში, სადაც შეძლებთ უკეთ გაეცნოთ მის შემოქმედებას. აქ ნახავთ წიგნებს, რომლებიც შეგიძლიათ ამობეჭდოთ, კომპიუტერულ თამაშებს და screen saver-ებს. ელექტრონული წიგნები საიტზე ინგლისურ და რუსულ ენებზეა, ქართული ვერსიებისთვის ჩვენს წიგნების მაღაზიას ესტუმრეთ და ლიგამუსში შეძლებთ მათ შეძენას.

სანდრომ მხოლოდ საქართველოში გამოცემული წიგნები არ წაგვიკითხა, მან ასევე გაგვაცნო წიგნები, რომლებიც ჯერ ქართულად არ გამოცემულა. ძალიან საინტერესო იყო. შემდეგ ბავშვებს შავ-თეთრი წიგნების გმირები დაურიგა და საშუალება მისცა, რომ ისეთივე ფერადები გაეხადათ, როგორებიც სანდროს წიგნებში არიან.

მინდა მას და თამარას დიდი მადლობა გადავუხადო, რომ ასეთი საინტერესო დრო გაგვატარებინეს და წარმატებები ვუსურვო.

ავტორის მიერ წაკითხული წიგნები

ეს შაბათი განსხვავებული იქნება, ძალიან განსხვავებული.

ამჯერად მეც მსმენელი ვიქნები. თქვენთან ერთად დავჯდები და მოვუსმენ სანდრო ასათიანს, რომელიც თამარა კალხიტაშვილთან ერთად წაიკითხავს მის მიერ დაწერილ წიგნებს და ბავშვებს საკუთარი ილუსტრაციებით გაფორმებულ სამყაროს გააცნობს.

როგორც უკვე მიხვდით ჩვენი სტუმარი იქნება სანდრო ასათიანი, რომელიც შემდეგნაირად წარმოგვიდგენს თავს თავისი წიგნების უკანა ყრდაზე:

"დიდი ხნის წინათ გამომცემლობა „დიოგენეში“ ვმუშაობდი. წიგნის დიზაინს ვაკეთებდი და ხანდახან ილუსტრაციებსაც. ჩემი სამსახურის პარალელურად უცნაური წიგნების კეთება დავიწყე. ანუ, სხვა და სხვა ისტორიებს ვწერდი, მერე მათთვის ილუსტრაციებს ვხატავდი, თავადვე ვაკაბადონებდი, პრინტერზე ვბეჭდავდი და ჩემს მეგობრებს ვჩუქნიდი.

მერე, რაღაც დროის შემდეგ, ფლორენციაში მოვხვდი. ფლორენციაში გამომცემლობა LIBRI LIBERI გავიცანი და მათ ძალიან მოეწონათ ჩემი წიგნები. ასე და იწყო ჩვენი თანამშრომლობა. ორი წლის განმავლობაში LIBRI LIBERI-მ, 12-ზე მეტი წიგნი გამოსცა ჩემი ტექსტებით და ილუსტრაციებით. სა მი წიგნის მიხედვითკი, იტალიაში სპექტაკლიც დაიდგა.

ახლა თბილისში ვარ და ვცდილობ, იტალიაში გამოცემული წიგნები ქართულ ენაზეც გამოვცე."

შემოგვიერთდით ხვალ 12 საათიდან 14-მდე და ერთად გავეცნოთ სანდროს სამყაროს, მითუმეტეს რომ ის ბევრ საინტერესო სიურპრიზს გვპირდება.

პიტერ პენი - შენი პირველი ორენოვანი კლასიკური ზღაპარი

პიტერ პენი

"ყველამ იცის პიტერ პენის ამბავი, ბიჭუნასი, რომელსაც გაზრდა არ სურდა. პიტერ პენი არარსებული ქვეყნის პატარა კუნძულზე, თავგადასავლებში ატარებს თავის მარადიულ ბავშვობას. კლასიკური ორენოვანი ზღაპრები საშუალებას აძლევს პატარებს ხალისით შეისწავლონ და გამოიცნონ სიტყვები ორივე ენაზე. იოლად აღსაქმელი ტექსტი, შემკული მშვენიერი ილუსტრაციებით, ამ ზღაპრებს საშინაო თუ სასკოლო ბიბლიოთეკის შესანიშნავ შენაძენად აქცევს."

შემიძლია დავადასტურო ლოგოს პრესისეული წიგნის აღწერა, სწორედ ეს გამომცემლობა გვთავაზობს მას.

ეს წიგნი ნამდვილად გაფორმებულია შესანიშნავი ილუსტრაციებით და ტექსტიც ლაკონური და იოლად აღსაქმელია. ვფიქრობ საინტერესო და გამოსადეგი უნდა იყოს მისი წაკითხვა ბავშვისთვის, რომელიც ახლა სწავლობს ინგლისურს.

ასე რომ თუ ახლა დაიწყე სკოლაში ინგლისურის სწავლა სთხოვე მშობლებს, რომ გიყიდონ ეს წიგნი; მითუმეტეს თუ ამ პერსონაჟს, პიტერ პენს, ჯერ არ იცნობ იმიტომ, რომ გპირდები ის აუცილებლად შეგიყვარდება.

მის ერთერთ საიდუმლოს გაგიმხელ: მას ფრენა შეუძლია! დანარჩენი კი შენთვითონ წაიკითხე.

ეს წიგნი შეგიძლიათ სულ პატარებსაც უყიდოთ, ისინი მოიხიბლებიან ნახატებით და პიტერ პენის თავგადასავლებით, რომლებსაც თქვენ წაუკითხავთ. ჩემი მეგობრის 3 წლის შვილი ამ წიგნზე გიჟდება და ძილის წინ მუდმივად ითხოვს მის წაკითხვას! როცა გაიზრდება და ინგლისურის სწავლას დაიწყებს, წიგნების თაროდან გადმოიღებს და უკვე თვითონ წაიკითხავს.

სერიაში "ჩემი პირველი ორენოვანი კლასიკური ზღაპრები" ასევე არის წიგნი სახელად "წითელ ქუდა", ის არ წამიკითხავს და უბრალოდ ვვარაუდობ რომ კარგია. ორივე წიგნი იყიდება ლიგამუსში, ასე რომ მოდით და გადაამოწმეთ და დამიტოვეთ კომენტარები თქვენი აზრის შესახებ.

წერო - მიმოხილვა

წინა შაბათს Ligamus-ის ბავშვების ოთახში წეროს დღესასწაული მოვაწყეთ.

ვუყურეთ მოკლე მეტრაჟიან

მულტფილმს სახელად "Partly Cloudy", ეს მულტფილმი არის Pixar-ის სტუდიის 2009 წლის ნამუშევარი და მოგვითხრობს ისტორიას, რომელიც გვიმხელს თუ საიდან მოყავთ წეროებს ბავშვები: ღრუბლებიდან. ძალიან ლამაზი მულტფილმია და შეგიძლიათ ის გადმოწეროთ და უყუროთ საიტიდან:

http://www.offline.ge/2009/11/15/partly-cloudy-2009-bdrip-pixar.html

წეროები ითვლებიან ფრინველებად, რომლებიც მოასწავებენ ბედნიერებასა და კეთილდღეობას, სავარაუდოდ ამ რწმენისგან გამომდინარეობს მითი იმის შესახებ, რომ ახალშობილები წეროებს მოყავთ.

იმისთვის რომ გაგვეგო მეტი წეროების შესახებ, მაღაზიისგან ვითხოვეთ ორი წიგნი: ბაკურ სულაკაურის გამომცემლობის "ცხოველთა სამყარო" და პალიტრა L-ის "საყმაწვილო ენციკლოპედია; ცხოველები" როცა გვეზარება დიდი წიგნების ფურცვლა იმ მიზნით, რომ კონკრეტული ინფორმაცია ვიპოვოთ, უნდა წიგნის ბოლო გვერდებზე გადავშალოთ სადაც ვიპოვით სახელთა საძიებელს, ამ საძიებელში ანბანის მიხედვით დაწყობილია სხვა და სხვა სიტყვა, იქ ვიპოვეთ სიტყვა წერო გადავედით გვერდ 118-ზე და აღმოვაჩინეთ, რომ წეროების აუარებელი ტიპი არსებობს და რომ ერთმანეთს საერთოდ არ გვანან, ხოლო ის წერო როგორიც ჩვენ წარმოსახვაშია რეალურად არის წეროს ერთერთი სახეობა, რომელსაც ჰქვია თეთრი წერო (მშობლებო თითქოს სიტყვების საძიებლის არსებობა ისეთი თავისთავადია, რომ მას სწავლება არ სჭირდება, მაგრამ სინამდვილეში ეს ასე არ არის, თუ თქვენ ბავშვებს ამ "საიდუმლო", მოხერხებულ ხერხს ასწავლით ისინი ძალიან კმაყოფილები დარჩებიან)

"მელა და წერო" იგავ-არაკია, რომელიც წავუკითხე ბავშვებს წიგნიდან "ჩემი პირველი წიგნი; ცისფერი წიგნი". ამ იგავის მოსმენის შემდეგ ბავშვებმა დახატეს ნახატები, რომლებშიც გამოსახეს, როგორ მიიღებდნენ წეროს თავიანთ სახლში მათ, რომ სტუმრებოდა.

ბოლოს კი შევუდექით ფერადი ქაღალდებისგან წეროების კეთებას. ამ საქმიანობას, ანუ ქაღალდის კეცვის იაპონურ ხელოვნებას, ორიგამი ჰქვია. წეროს გაკეთება არც ისე რთულია. დეტალური მითითებები ამ საიტზე შეგიძლიათ ნახოთ და სახლშიც გააკეთოთ. ჩვენ ეს წეროები ჩვენი კითხვის კუთხის ტენტში ჩამოვკიდეთ, შეგიძლიათ შემდეგ შაბათს გვესტუმროთ და ნახოთ ისინი, იქამდე კი სურათით დატკბით :)