15 February 2010

შაბათი, 13 თებერვალი - მიმოხილვა

ზღაპრების სამყაროში ყველაფერი ნება დართულია, მთავარია წარმოსახვა დიდი გქონდეს და რასაც მოინდომებ ის მოხდება. 
ზღაპრების სამყაროში დღესასწაულების დროში გადაადგილებაც შეიძლება. 


წინა შაბათს უნდა ჩინური ახალი წელი აღგვენიშნა, ამ დღესასწაულს ჩინელები გაზაფხულის ფესტივალს ეძახიან. თბილისში კი ზამთარია, შაბათს თოვლი იდო ყველგან: სახურავებზე, ხეებზე, სავალ ბილიკებზე, გზებზე, მანქანებზე ... 
ვფიქრობ ეს არასაგაზაფხულო განწყობა იყო მიზეზი იმისა, რომ ბევრი ბავშვი არ მოვიდა. ამიტომ გადავწყვიტე ჩემი წარმოსახვა გამომეყენებინა და ლიგამუსის ზღაპრების სამყაროში ეს დღესასწაული ერთი კვირით გადამედო. ასეც მოვიქეცი.  


წინა შაბათს, ოთახს ბავშვები ნელნელა შემოემატნენ, საბოლოოდ რვანი შევიკრიბეთ. წავუკიტხე ბერძნული მითები, დავათვალიერეთ სხვადასხვა წიგნები, კუბიკებით ავაშენეთ კოშკები და გავეცანით გამომცემლობა პალიტრა L-ის წიგნს სახელად "დიდი წიგნი ხელოვნებაზე"






"პატარა ნაბიჯები დიდ ხელოვნებაში!გაეცანით მსოფლიოს ხელოვნებას, დაეუფლეთ ხატვის სხვადასხვა ტექნიკას, კარიკატურების შექმნას, ძერწვას."









ამ წიგნის დახმარებით დავამზადეთ ინდიელური თავსაბურავები და კოლაჟის ტექნიკის გამოყენებით პეიზაჯი შევქმენით.

No comments:

Post a Comment